Tokioda yapon imperatorlar sulolasiga mansub, 101 yoshli shahzoda Mikas vafot etdi, deb xabar berdi “Vesti.ru” nashri.

Mazkur yilning may oyidan beri shahzoda o`pka shamollashi tashxisi bilan kasalxonada yotgan. U ilgari ham bir qancha jarrohlik, shu jumladan yurak operasiyasini ham boshdan o`tkazgan edi.

Shahzoda Mikas hozirgi yapon imperatorining amakisi hisoblanadi. U yapon taxtiga da`vogarlarning beshinchi qatoriga mansubdir.

Ikkinchi jahon urushi davrida shahzoda Mikas Xitoyni bosib olib, turli janglarda ishtirok etgan harbiy qism kavaleriyasida xizmat qilgan. Kapitulyasiyadan keyin Qadimgi Misr tarixi tadqiqotlari bilan shug`ullangan, bundan tashqari, sportchi va jamoat arbobi sifatida ham nom qozongan.

manba: Darakchi.uz

ULASHISH