Rossiya prezidenti Vladimir Putin 9 noyabr, chorshanba kuni respublikachi Donald Trampni AQSh prezidentligi saylovlarida g’olib bo’lganligi bilan muborakbod etdi. Bu haqida Kreml rasmiy saytida xabar berildi. Rossiya rahbari Trampga telegramma yo’llab, uning davlat rahbari lavozimidagi faoliyatiga omad tiladi.

Shu bilan birga, Vladimir Putin Rossiya-Amerika munosabatlarini inqiroz holatidan olib chiqish yo’lida hamkorlik qilishga umid bildirdi.

Rossiya prezidentining so’zlariga ko’ra, Moskva va Vashington o’rtasida konstruktiv muloqot tashkil etish nafaqat ikki mamlakat, balki butun dunyo hamjamiyati manfaatlariga javob beradi. Putin bu yo’lda «teng huquqlilik, o’zaro hurmat» tamoyillariga asoslanib, harakat qilish muhimligini ta`kidladi.

manba: Kun.uz

ULASHISH