Suratkash Melvin Nikolson Shotlandiyadagi Lox-Rannox ko’li g’arbidagi Rannox-Mur nomli botqoq joyda noyob tabiiy manzara — oq kamalakni muhrlashga muvaffaq bo’ldi. Buzzfeed nashri shu haqida ma`lum qildi.

44 yoshli suratkashning fikricha, bunday kamalakka ilk marta duch kelganining o’ziyoq katta omad.

«Men avval hech qachon bunday manzaraning guvohi bo’lmagandim, mana endi uning nima uchun bunday noyob hodisa ekanligini anglab yetdim. Bunday ajoyib manazarani quyosh ortda qolgandagina ko’rish mumkin».

Melvin Nikolson

Oq kamalak ko’pincha rangsiz bo’ladi va bulut yoki tuman ichidagi mayda tomchilar orqali hosil bo’ladi. Bunda yorug’lik difraksiyasi ranglarning yo’qolishiga sabab bo’ladi.

Kamalakning bunday turi ko’pincha tepaliklar va tog’larda uchraydi.

Manba: Xabardor.uz

ULASHISH