U.S. President Barack Obama delivers a statement after the Supreme Court left in place a lower court ruling blocking his plan to spare millions of illegal immigrants from deportation and give them work permits at the White House in Washington, U.S., June 23, 2016. REUTERS/Carlos Barria

AQSh prezidenti Barak Obama hali ham Donald Tramp prezidentlikka yaramaydi, degan fikrida qolmoqda. Bu haqda Oq uy matbuot kotibi Joshua Ernest ma`lum qildi.

«Prezident fikri o’zgarmadi. U hozir ham saylovoldi kampaniyasida bildirgan qarashlarini bildirmoqda. U bu haqda butun mamlakat bo’yicha so’zlagan nutqlarida aytgan, biroq amerikaliklar uning vorisi sifatida Trampni tanlashga qaror qilishdi», deb aytdi Ernest.

Ernest Obama o’z qarashlariga qaramay, mamlakatda «hokimiyatning rejali asosda topshirilishini» istayotganini ta`kidlab o’tdi.

7 noyabrda, saylovlarga bir kun qolganda Obama navbatdagi marta Tramp «o’z fe`l-atvoriga ko’ra prezident va mamlakat bosh qo’mondoni bo’lishga yaramasligini» aytgan. «Biz uning xatti-harakatlarini normal deb hisoblashni bas qilishimiz kerak. Biror telbalik vaqt o’tishi bilan oddiy holga aylanishi g’alatidir», deb aytgan Obama. Obama Trampning fikrlari «Amerika ovozini bildirmasligini» qo’shimcha qilgan.

manba: Kun.uz

ULASHISH