Malayziyada PGA Tour tashkiloti tomonidan o’tkazilayotgan golf bo’yicha CIMB Classic xalqaro musobaqasini maydonda 2 metrlik bo’g’ma ilon paydo bo’lgani sababli to’xtatishga to’g’ri keldi. Bu haqdagi ma`lumot tashkilotning tvitterida paydo bo’ldi.

Bundan tashqari, PGA Tour xodimlari tvitterda bu ilonning suratini chop etishdi va unga hazilomuz izoh qoldirishdi.

«Mayli. Endi boshqa joyda o’ynasak kerak», deb aytilgan xabarda.

21 oktabr bu mintaqada joylashgan ba`zi davlatlarda Sudralib yuruvchilar haqida bilim kuni sifatida nishonlanadi. Bu kunda mahalliy aholiga turli sudralib yuruvchi jonzotlar haqida ma`lumot beriladi. Musobaqa tashkilotchilari ilonning golf maydonida aynan shu kuni paydo bo’lishida ramziy ma`no ko’rishdi.

manba: Kun.uz

ULASHISH