AQShning Forbes jurnali «Gollivudning eng omadsiz filmlari» – 2016 yilning omadsiz filmlari ro’yxatini chop etdi.

Antireyting yetakchisi «Maks Stil» (Max Steel) deb nomlangan ilmiy-fantastik film bo’ldi.

Styuart Xendler rejissyorligida olingan filmni suratga olishga 11 mln dollar sarflangan, u yig’a olgan summa 4,4 mln dollarni tashkil qilgan. Filmda aktyorlar Ben Uinchell va Endi Garsiya suratga tushganlar.

2-o’rinni Mettyu Makkonaxi rol o’ynagan «Jons erkin shtati» filmi egalladi, u 50 mln dollar sarf-xarajatda 23 mln dollar yig’a olgan. 3-o’rinni «Pop-yulduz: to’xtama» filmi egalladi. Filmga 20 mln dollar sarflangan, biroq u keltirgan pul 9,5 mln dollarni tashkil qilgan.

Ro’yxatning birinchi beshtaligidan «Kibr va taxmin hamda zombi» filmi (sarflangan 28 mln dollar, keltirgan 16,4 million), «Retchet va Klank: Galaktika reynjyerlari» multfilmi (sarflangan 20 mln dollar, keltirgan 11,8 mln dollar) o’rin olgan.

Keyingi pog’onalarni «Josus qo’shnilar » (40 mln dollar, 26,9 mln dollar), «Reportyor ayol» (35 mln dollar, 24,9 mln dollar), «Aka-uka Grimsbi» (35 mln dollar, 28,7 mln dollar) va «Snouden» (40 mln dollar, 34,3 mln dollar) filmlari egallagan.

O’ntalikning oxirgi pog’onasidan «Sababchilar» komediyasi (35 mln dollar, 22 mln dollar) o’rin olgan.

manba: Kun.uz

ULASHISH