Facebook ijtimoiy tarmog‘idagi adashuv ayrim foydalanuvchilar sahifalarida ularning o‘lgani haqida eslatmalar paydo bo‘lishiga olib keldi. Bu haqda “RBK” xabar bermoqda.

“Bu o‘ta xunuk xato bo‘ldi va biz uni o‘ngladik. Yuz bergan holatdan chuqur afsusdamiz”, — deya uzr so‘radi kompaniya matbuot kotibi.

Abadiylashtirilgan profillar uchun mo‘ljallangan eslatma hatto Facebook rahbari Mark Sukerbergning sahifasida ham paydo bo‘ldi. Sahifa yuqorisida quyidagi so‘zlar joylashtirildi: “Biz Markni sevgan insonlar uning hayotini yodga olish va nishonlash uchun o‘zgalar bo‘lishadigan narsalardan taskin topadi deb umid qilamiz”.

Ma’lumot uchun, Facebook’dagi sahifasini abadiylashtirish imkoniyati foydalanuvchilarda 2015-yilda paydo bo‘lgandi.

manba: Daryo.uz

ULASHISH